राजनीति

माओवादीमा पार्टी एकताबारे नेताहरु बिभाजित–पोलिटब्युरो बैठक बोलाइयो

काठमाडौं– माओवादी केन्द्रमा पार्टीका शिर्ष नेताहरुलाई जानकारी नै नदिई पार्टी एकता गर्ने पार्टी अध्यक्ष पुष्पकमल दाहालको निर्णयको चर्को विरोध भएको छ । माओवादी अध्यक्ष प्रचण्डले गृहमन्त्री जनार्दन शर्मालाई मात्र जिम्मा दिएर माओवादी पार्टी विघठन गर्न खोजेको भन्दै बिवाद बढेको हो । 

dish home

 

 

 

 

माओवादी नेताहरु कृष्णबहादुर महरा,वर्षमान पुन, टोपबहादुर रायामाझि, गोपाल किराती र मातृका यादवलगायतले पार्टीमा छलफल नगरी एकता गर्ने निर्णय गर्नु नेतृत्वको कमजोरी भएको भन्दै असन्तुष्ट छन् । उनिहरुले पार्टी एकताजस्तो महत्वपुर्ण निर्णय गर्दा नेतृत्वले एक शब्द पनि नसोधेको भन्दै असन्तुष्टी जनाएका हुन ।

 

 

 

 आगामी निर्वाचनमा एमालेसहितका बामपन्थीसंग तालमेल गर्ने र एउटै कम्युनिष्ट केन्द्र बनाउने निर्णय सहि भएपनि पार्टीमा त्यसबारेमा प्रयाप्त छलफल हुनुपर्ने उनिहरुको धारणा छ । नेताहरु गोपाल किराती र मातृका यादवले एमाले पहिचान विरोधी पार्टी भएको भन्दै एमालेसंग एकता गर्ने निर्णय नै बेठिक भएको बताउदै आएका छन् ।

 

 

माओवादीमा कुनै छलफल विना नै एमालेसंग पार्टी एकता गर्न खोजेको भन्दै कार्यकर्ताहरुले नेतृत्वको चर्को आलोचना गरेका छन् । पार्टीमा बिवाद बढेपछि माओवादीले विकसित पछिल्लो राजनितिक घटनाक्रम र प्रदेश र प्रतिनिधि सभा सदस्य निर्वाचनबारे छलफल गर्न पोलिटव्युरो बैठक बोलाएको छ ।

 

 माओेवादी प्रवक्ता पम्फा भुसालकाअनुसार माओवादी केन्द्रले आगामी असोज २१ गते पोलिटब्युरो बैठक बोलाएको हो । बैठकमा एमाले र  नयँशक्तिसंग चुनावी तालमेल गर्ने र चुनावपछि पार्टी एकता गर्ने तीन पार्टीको निर्णय बारेमा समेत छलफल हुनेछ ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top