प्रधानसेनापति र चिनियाँ राजदूतबीच भेटवार्ता
काठमाण्डु – प्रधानसेनापति प्रभुराम शर्मा र चिनियाँ राजदूतबीच भेटवार्ता भएको छ । प्रधानसेनापति शर्मा र मित्रराष्ट्र चीनका राजदूत होउ यान्छिबीच जङ्गी अड्डामा शिष्टाचार भेटवार्ता भएको हो ।
उक्त भेटवार्तामा दुई पक्षीय आपसी हित तथा पारस्परिक सम्बन्धका विषयमा छलफल भएको सेनाले जनाएको छ । यस किसिमको भेटवार्ताले दुई देश बीचको आपसी सम्बन्धलाई सुमधुर एवं प्रगाढ बनाउन थप मद्दत पुग्ने विश्वास नेपाली सेनाले लिएको छ ।
