कुटनीति पत्रपत्रिका

नेपालको कुटनिति :छिमेक नीति मुख्य प्राथमिकतामा

काठमाडौं — प्रधानमन्त्री शेरबहादुर देउवाले कूटनीति सञ्चालनका देखिएका असहजता चिर्दै छिमेक नीतिलाई मुख्य प्राथमिकतामा राख्न सरकार दृढ रहेको बताएका छन् । कतिपय भद्दा र असहज भनिएका कूटनीतिक अभ्यासलाई चिर्न सक्नुपर्ने धारणा उनको छ ।

dish home

सबै दलहरूसँगको सहकार्यमा सुधारको थालनी गर्दा सुधार हुने उनको भनाइ छ । विज्ञ सम्मिलित उच्चस्तरीय कार्यदलले बनाएको बदलिँदो विश्व परिवेशअनुरूपको ‘गतिशील परराष्ट्र नीति’ को मस्यौदा बिहीबार बुझ्दै देउवाले त्यस्तो धारणा व्यक्त गरेका हुन् । गत वैशाखमा पुष्पकमल दाहाल नेतृत्वको सरकारले ‘गतिशील परराष्ट्र नीति’ उच्चस्तरीय कार्यदल गठन गरेको थियो ।

नेपालको कूटनीति सञ्चालनमा एकरूपता नभएको भन्ने आलोचनाबीच कार्यदल बनेको थियो । प्रधानमन्त्रीलाई बुझाएलगत्तै मस्यौदा परराष्ट्र मन्त्रालयको वेबसाइटमा राख्ने पूर्वतयारी थियो । तर कूटनीति सञ्चालनको महत्त्वपूर्ण विषय भएकाले मन्त्रिपरिषद्मा पारित गराएर मात्र सार्वजनिक गर्ने तयारी गरिएको परराष्ट्र अधिकारीहरूले बताए । प्रधानमन्त्रीले उक्त मस्यौदा बुझेलगत्तै परराष्ट्र मन्त्रालयलाई अध्ययन गर्न भनेको सहभागीले बताए ।

यद्यपि उच्चस्तरीय कार्यदलले सरकारले यो प्रतिवेदन कार्यान्वयन गरे नगरेको अध्ययन गर्ने अनुगमन समितिसमेत बनाउने सुझाव दिएको छ । समितिमा परराष्ट्र सचिव र अन्य तीन सदस्य हुनुपर्ने भनिएको छ । जसले गर्दा पहिलेझंै प्रतिवेदन थन्किएर बस्ने अवस्था नआउने कार्यदलको दाबी छ । प्रधानमन्त्री देउवाले भने यो कार्यदलको प्रतिवेदन मन्त्रिपरिषद्बाट पारित गरेर त्यसअनुरूप सहकार्य गरिने उल्लेख गरेका थिए ।

कार्यदलका अनौपचारिक संयोजकको भूमिका निर्वाह गरेका प्राध्यापक श्रीधर खत्रीले सबैका तर्फबाट प्रधानमन्त्रीलाई उक्त मस्यौदा बुझाएका थिए । नौ महिना लगाएर प्रतिवेदन तयार पारिएको हो । मुलुकमा राजनीतिक परिवर्तन भइरहे पनि कूटनीतिमा त्यसको प्रभाव पर्न नहुने र यसको सञ्चालनमा एकरूपता रहनुपर्ने जस्ता विषयमा केन्द्रित भएर नै काम गरेको खत्रीले बताए ।

पाँच भागमा खण्डित यो प्रतिवेदनमा छिमेक नीतिमा थप प्राथमिकता, कूटनीतिमा सुरक्षाको डाइमेन्सन्स र संस्थागत सुधार तथा क्षमता अभिवृद्धिमा समेत जोड दिएको खत्रीले जानकारी दिए ।

नेपालको परराष्ट्र नीतिलाई नयां दिशा, नेपालको कूटनीतिक पहुँचको विकासको क्रम, आर्थिक कूटनीतिक मूल प्रवाहीकरण, सुरक्षाको दृष्टिकोणबाट परराष्ट्र नीति र संस्थागत सुधार तथा क्षमता अभिवृद्धि यसका पाँच फरक–फरक भाग हुन् । आजको कान्तिपुर दैनिकमा समाचार छ ।

Comments

comments

Now Get KathmanduPati App on your mobiles.

Android App iOS App
ad

धेरै पढिएको समाचार

Vianet
Civil
Shivam Cement
NEA
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android App iOS App
Scroll to Top