ब्रेकिंग न्युज राजनीति समाचार

मन्त्री मगरको उदाहरणीय काम, सहिद गौतमका ३ छोरीलाई काठमाडौंमा भर्ना

सहिद गोविन्द गौतमका छोरीहरुका साथ मातृभूमि शिक्षा सदनमा खानेपानी तथा सरसफाइ मन्त्री बिना मगर । तस्वीर : प्रकाश सिलवाल, रासस

काठमाडौं— कञ्चनपुरमा भएको सीमा विवादमा भारतीय सुरक्षाकर्मीको गोलीबाट ज्यान गुमाएका सहिद गोविन्द गौतमका तीन छोरीलाई काठमाडौंको विद्यालयमा भर्ना गरिएको छ।

dish home

कञ्चनपुरबाट चुनाव जितेकी खानेपानी तथा सरसफाइमन्त्री बीना मगरको पहलमा बालिकाहरुलाई बालुवाटारस्थित मातृभूमि शिक्षा सदनमा भर्ना गरिएको हो।

नेपाल–भारत सीमामा भएको झडपमा २०७३ साल फागुन २६ गते भारतीय सुरक्षा बलको गोलीबाट मारिएका कञ्चनपुर पुनर्वास नगरपालिका–८ का गौतमको ज्यान गएको थियो।

जेठी छोरी १० वर्षीय आकृति र माइली आशुम गौतमलाई कक्षा ५ र कान्छी आषिकालाई युकेजीमा भर्ना गरिएको छ। आमा लक्ष्मी र तीन छोरीलाई हाल बानेश्वरस्थित एक आफन्तको घरमा बसोबासको प्रबन्ध गरिएको जनाइएको छ।

तीन छोरीको उच्चशिक्षासम्मको व्यवस्था गर्न आफूहरुले जिम्मा लिने उल्लेख गर्दै मन्त्री मगरले गोविन्दकी श्रीमती लक्ष्मीलाई जागिर दिलाउने विषयमा पनि आफूहरु संवेदनशील रहेको बताइन्।

विद्यालयका प्रबन्ध निर्देशक तारानाथ उप्रेतीले गौतमका छोरीहरुलाई मन्त्री मगरले सामाजिक जिम्मेवारी लिएकाले उनीहरुलाई भर्ना गरिएको जानकारी दिए। रासस

Comments

comments

Now Get KathmanduPati App on your mobiles.

Android App iOS App
ad

धेरै पढिएको समाचार

Vianet
NEA
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android App iOS App
Scroll to Top