नेपाल प्रहरीमा १६ जना एसएसपी डिआईजी बढुवाका लागी सिफारीस
काठमाडौं– नेपाल प्रहरीका १६ जना एसएसपी डिआईजीमा बढुवाका लागी सिफारीस भएका छन् । गृहमन्त्रालयले गठन गरेको बढुवा समितीले सोमबार सांझ एसएसपीबाट डिआईजी बढुवाका लागी सिफारीस गरेको हो ।
गृहमन्त्रालयले गठन गरेको बढुवा समितिका सदस्य सचिव एआईजी दिनेश चन्द्र पोखरेलद्धारा हस्ताक्षरित पत्रमा बढुवाको पहिलो नम्बरमा एसएसपी केदार रिजाल परेका छन् ।
डिआईजी बढुवामा एसएसपीहरु शेरबहादुर बस्नेत,पिताम्बर अधिकारी,दिपक कुमार थापा, नारायणसिंह खड्का र दिनेश अमात्यलगायत सिफारीस भएका छन् । नेपाल प्रहरीमा २४ डीआइजीको दरबन्दी रहेतापनि सोमबार साँझ बसेको मन्त्रीपरिषद बैठकले यस अगाडीको सरकारले जबर्जस्ती थप गरेको ८ डीआइजीको दरबन्दी कटौती गरेको छ।
यसअगाडी कांग्रेस सभापति शेरबहादुर देउवा नेतृत्वको सरकारले राजनीतिक भागबण्डाको लागि जथाभावी थपेको दरबन्दी कटौती गरेसंगै रिक्त १६ डीआइजी पदमा बढुवाको लागि सिफारिस गरिएको हो।
