पक्राउ परेका महासंघका अध्यक्ष कर्माचार्यसहित छ जना रिहा
काठमाडौँ- नेपाल यातायात व्यवसायी राष्ट्रिय महासंघका अध्यक्ष योगेन्द्रनाथ कर्माचार्यसहित शनिबार पक्राउ परेका ६ जना आइतबार रिहा भएका छन् ।
सिन्डीकेट लागु गर्न पाउनुपर्ने बताउँदै सार्वजनिक यातायात बन्द गरेका महासंघका अध्यक्ष कर्माचार्यसहित छ जना पक्राउ परेका थिए ।
रिहाई हुनेमा अध्यक्ष योगेन्द्रनाथ कर्माचार्य, वरिष्ठ उपाध्यक्ष विजय स्वाँर, महासचिव सरोज सिटौला, उपमहासचिव बसन्त भण्डारी, प्रदेश नं ३ का संयोजक धर्मराज धिमाल लगायत छन् ।
उनीहरुले अब हड्ताल नगर्ने सहमति जनाएको महानगरीय प्रहरी परिसर काठमाडौंले जनाएको छ ।