अन्तर्वार्ता ब्रेकिंग न्युज

प्रचण्डले भने –ओलीजीले सत्ता हस्तान्तरण गर्न अफ्ट्यारो मान्नु हुंदैन (अन्र्तवार्ता)

काठमाडौं– नेकपाका अध्यक्ष पुष्पकमल दाहाल ‘प्रचण्ड’ले पार्टी एकता गर्दा भएको सहमतीअनुसार अघि बढनुपर्ने धारणा राखेका छन् । उनले प्रधानमन्त्री केपी शर्मा ओली र आफुबीच सत्तासञ्चालन र पार्टी सञ्चालनका बारेमा सहमति भएको दाबी समेत गरेका छन् । प्रचण्डले आफूले सरकार वा पार्टीको नेतृत्व पाउनुपर्ने धारणा राखे ।

dish home

पत्रकार ऋषि धमलाले ‘जनता जान्न चाहन्छन’ नामक टेलिभिजन कार्यक्रमलाई लिएको अन्तर्वार्तामा प्रचण्डले भने,‘सहमतिमा सरकारको नेतृत्व पनि आलोपालो गर्ने नै भन्ने छ ।’

यस्तो छ अन्र्तवार्ताको पुर्ण अंश–

ऋषि धमला– …….परिवर्तनको कुरा गर्दा जनअपेक्षा अनुसार काम किन हुन सकेन ?

प्रचण्ड ……एउटै सरकार पाँच वर्ष नचल्ने विडम्बना जनताले भोग्नु परेको थियो त्यसलाई हटाउन हामीहरुले चुनाव अघि गठवन्धन गरेको थियौं । त्यसबाट उत्साहित भएर जनताले मत दिए । बहुमत दिए र अर्को एक दल जोड्दा हामी दुई तिहाइमा छौं । जनातको तर्फबाट गर्नुपर्ने भसोसा दिए अब चुनौती हाम्रो छ । जनताले गरेको भरोसा अनुसार सुशासन, र समृद्धि दिन जरुरी छ । यो कम्युनिस्ट पार्टीको र सरकारको सफता नाप्ने व्यारोमिटर हो । समृद्धि र सुशासन दिन सकिएन भने अहिले जनाताले हिसाब गरिरहेका छन्, पाँच वर्षपछि यसैलाई हेर्छन् ।

ऋषि धमला – एउटा राजा त हटाइयो, अहिले धेरै राजा आए भन्ने छ जनताको ?

प्रचण्ड– एउटा राजा गयो धेरै राजा आयो भन्ने भनाइ सही छैन । यहाँ कोही राजा छैन । यहाँ जनताले चाहेको बेलामा जनताले फाल्न सक्छन् । कसैले सयौं वर्ष कसैलाई फाल्नका लागि कुर्न आवश्यक छैन । सबै जनताका छोराछोरी छन् । राम्रो गर्न सके विरंगनाको रुपमा हुन्छन् तर गर्न नसके पाँच वर्षपछि फालिन्छन् ।

पार्टी एकता गर्दा पक्कैपनि हाम्रो बीचमा समझदारी भएको छ । सहमतिबाटै पार्टीमा निर्णय गरेर जानुपर्छ र सरकारको नेतृत्व पनि आलोपालोनै गर्ने नै भन्ने छ

ऋषि– सम्पन्न नेपाल बनाउन लागि परिरहेका छन् । सहिद बेपत्ता परिवारले हेरिरहेका छन् ? किन उनीहरुको कन्तविजोग छ ?

प्रचण्ड….संक्मणकालको अवशेष अझै बाँकी छ । सत्यनिरुपण र वेपत्ता आयोगको काम नटुंगिएसम्म वेपत्ताले पाउने राहत र सुविधा टुंगिन समस्या छ । एकातिर सुशासन र विकासले जति गति लिनुपर्ने हो त्यति लिएन भन्ने चिन्ता छ । अर्को तिर हिजोका घाइते हराएकाहरुको सम्बोधन भएन भन्ने चिन्ता छ । त्यसमा हामी लागिरहेका छौं त्यसको सम्बोधन हुन्छ ।

ऋषि– कहिले सम्बोधन हुन्छ ?

प्रचण्ड– हाम्रो लक्ष्य छ केहीमहिना भित्र टुंग्याउ ६ महिनादेखि १ वर्ष भित्र टुग्याएर जानुपर्छ भन्ने छ । टीआसीको विषयमा पहिला दलहरुबीच ‘म्याचुरिटी’ थिएन । पहिला कांग्रेसले माओवादी र माओवादीले कांग्रेसलाई दोष देखाउन पाए हुन्थ्यो जस्तो हुन्थ्यो । तर अहिले त्यस्तो छैन । अहिले जसरि पनि यसलाई सदाको लागि टुंग्याउनुपर्छ भन्ने सबै ‘स्टेक होल्डर’को कुरा रहेको छ ।

ऋषि– प्रचण्डबाट केही अपेक्षा गरेका छन् तर केपी ओली प्रधानमन्त्री बनेपछि उनी शक्तिशाली बन्न खोजेको आरोप बाहिर छ?

प्रचण्ड– सरकारको नेतृत्व गर्ने कुरा, प्रधानमन्त्रीको भूमिका खेल्ने कुरामा चुनौती र जटिलता र केही बाध्यता पनि हुन्छ । अहिले हाम्रो पार्टीका अध्यक्ष ओली प्रधानमन्त्री हुनुहुन्छ र उहाँले एक वर्षमा आधार वर्षमा ऐन कानूनदेखि छिमेकी सम्बन्ध बनाउनेदेखि समाजिक न्यायमा काम गर्न जोड नै नगरेको भए गल्ती हुन्थ्यो । …..हो जनताले अपेक्षा अनुसार काम गर्न नसकेको हो कि भन्ने प्रश्न जनताको मनामा छ । त्यसको समाधान गर्न हामीले बल गरिरहेका छौं । यो चुनौती पनि हो । संघीय लोकतान्त्रिण गणतन्त्र कार्यान्वयन गर्नुपर्ने छ ।
विकास र सुशासनको लागि सबै तागत लागाउनु नै पर्छ । हामी प्रतिपक्षसँग कुरा गरिरहेका छौं । जनताका कस्ता समस्या छ त्यसका बारेमा कुराकानी गरिरहेका छौं ।

ऋषि– प्रचण्डले आशा…..

प्रचण्ड– प्रचण्डले केही गर्छ कि भन्ने आशा छ । म तल्लो तहको आकांक्षासँग जोडिएको छु । पिछडिएको क्षेत्र, १० वर्षको बेलामा बलिदान नभएको जिल्ला छैन । गणतन्त्र, संघीयताको लागि सबैले बलिदानी गरेका छन् र त्यसको नेतृत्व गर्ने अवसर मलाई जनताले दिए । त्यसैले सबैले के ठान्नु स्वभाविक के छ भने सबै समूदायको साझा जस्तो म बन्न गएको छु । त्यस्तो ऐतिहासिक परिस्थिति बन्न गयो ।

ऋषि– तपाईले धेरैलाई प्रधानमन्त्री बनाउनु भयो तर अहिले राष्ट्रपति वा प्रधानमन्त्री तपाई बन्नेबारे चर्चा हुन थालेको छ । अब तपाईले केपी शर्मा ओलीलाई कहिलेसम्म प्रधानमन्त्री बनाउनरहन चाहनुहुन्छ ठ्याक्क नेपाली जनतालाई बताइदिनुस् ? जनता जान्न चाहन्छन्

प्रचण्ड– यो प्रश्न अलि संवेदनशील र गम्भीर पनि छ । नेपालमा उत्पीडित जाति क्षेत्रको अधिकार स्थापित गर्दा मैले प्रधानमन्त्री र राष्ट्रपति होउला भनेर सोचेकै थिइन । एउटा गरीब किसानको छोरो, हलो जोतर पढेको हो मैले । तपाई अहिले पनि गएर बुझ्न सक्नु हुन्छ ।
हाईस्कुल र आइएसी पढ्दा पनि विदामा बाआमा भएको ठाउँमा गएर मिहेनत गर्ने , एसएसी दिँदा ऋण लिएर पढ्न आएको हो म ।

तर गर्दै जाँदा यो ठाउँमा आइपुगियो । यहाँ आएपछि पहिलो संविधानसभाबाट सबैभन्दा ठूलो पार्टीको नेता होउला र गणतान्त्रिक नेपालको पहिलो प्रधानमन्त्री हुँला भनेर चुनावको बेलामा पनि लाग्दैन थियो गणतन्त्रमा गएका कारण राष्ट्रपतिको रुपमा प्रोजेक्ट गरेको थियो । चुनावमा सबैभन्दा ठूलो पार्टी भयो र पहिलो गणतान्त्रिक प्रधानमन्त्री बन्ने अवसर बन्यो । पहिलो पटक मैले परिपक्क रुपमा अरु दलसँग सहकार्य गर्ने, छिमेकीसँगको सम्बन्ध सन्तुलित रुपमा लैजाने र जनताको आकांक्षालाई पाको रुपमा सम्बोधन गर्नुपर्थ्यो त्यतिबेला । अरुलाई दोष दिन्न म ।
अपरिपक्वताले गर्दा मैले यो राजनीतिको चुरो समाउन सकिन त्यसले गर्दा त्यो नौ महिना झिलिमिलि मै वितेको जस्तो लाग्छ । के गर्ने कसो गर्ने मेसो नपाउँदै मैले छोड्नुपर्ने परिस्थिति आयो र मैले छोडें । बाध्यता थिएन तर छोडें । गिरिजाबाबुले नछोड्नुस् भन्नु भएको थियो ।
जसरी भएपनि प्रधानमन्त्री बन्नुपर्छ भन्ने लागेको भए किन छोड्थे र । मानिसले सोचे जस्तो पद नभइ नहुने व्यक्ति म होइन ।

मलाई प्रधानमन्त्री लिन हतारो छैन । देशमा विकास र सुशासनले गति लियो र जनतामा सन्तुष्टि आयो भने मैले पार्टीलाई मुख्यरुपमा हेर्ने र अर्को अध्यक्षले सरकार हेर्ने गरि काम मिलायो भने मलाई सहज हुन्छ

…..त्यसपछि प्रधानमन्त्री बनाउने लाइन लाग्यो । संविधान बनाउन सहमति हुनुपरो भनेर माधव नेपाललाई चिठि लेखेर तपाईं सांसद बन्न आउनु भने । उहाँलाई प्रधानमन्त्री बनाउन ल्याएको थिइन । संवैधानिक समितिको सभापति बनाउन ल्याएको थिए । तर पछि कंग्रेसलाई पनि केही गर्नुपर्ने बाध्यता भयो, एमालेलाई पनि भयो । उहाँ प्रधानमन्त्री बन्नुभयो । हेर्दा मेरो भूमिका भयो । त्यसपछि श्रृंखलामा बाबुराम, झलनाथ, सुशील कोइरालालाई पनि, पछि केपी ओलीलाई भनेको हो ।

ऋषि– केपी ओलीले तपाईलाई प्रधानमन्त्री बनाउनु होला ?तपाईलाई विश्वास छ प्रचण्ड जी, खुलासा गरिदिनुस् ओली जी र तपाईबीच भएको सहमति के हो ?

प्रचण्ड– पार्टी एकता बनाउने संकल्प गर्‍यौं र जनताले अनुमोदन गरे र हामी ठूलो जिम्मेवारीमा छौं । पार्टी एकता गर्दा पक्कैपनि हाम्रो बीचमा समझदारी भएको छ । सहमतिबाटै पार्टीमा निर्णय गरेर जानुपर्छ र सरकारको नेतृत्व पनि आलोपालोनै गर्ने नै भन्ने छ ।

ऋषि–लिखित नै छ कि ?

लिखित नै छ त्यो कितावमा छापिएर आएको छ ।

ऋषि–सहमति नै भएको छ ?

त्यो चाहिँ सहमति भएको छ । केपी ओली र मेरो कुरा हुँदा सहमति अनुसार नै जाने भन्ने छ । त्यसैले म त्यसमा आशंका गर्न चाहन्न । र, अहिले यो विषय उहाँ र म सहमति भयो र पार्टी भित्र सहमति भयो भने पाँचै वर्ष केपी ओली हुन पनि हुन्छ ।

ऋषि– ओलीलाई पाँचै वर्ष प्रधानमन्त्री बनाउन तयार हुनुहुन्छ, प्रचण्ड जी ?

प्रचण्ड– मलाई प्रधानमन्त्री लिन हतारो छैन । देशमा विकास र सुशासनले गति लियो र जनतामा सन्तुष्टि आयो भने मैले पार्टीलाई मुख्यरुपमा हेर्ने र अर्को अध्यक्षले सरकार हेर्ने गरि काम मिलायो भने मलाई सहज हुन्छ । मलाई प्रधानमन्त्री नभइ नहुने होइन । मानिसहरुले त्यसै हो कि भन्छन् । कतिपय अलिकति संकृणहरुले मैले थोरै जनताको गुनासो बारे बोले भने प्रधानमन्त्री हुन बोलेको हो कि भन्ने पनि छन् । तर मेरो कुरा त्यो होइन । पार्टी र सरकार राम्रोसँग ‘रन’ भयो भने आलोपालो भनिएको भएपनि पाँचै वर्ष केपी जी भएपनि केही समस्या देखिएको छैन आपत्ति हुँदैन । म समर्थन गरिरहन्छु

ऋषि– अनि तपाईलाई के फाइदा प्रचण्ड जी ?

प्रचण्ड– मलाई के फाइदा हुनुपरो ? देशलाई फाइदा हुन पर्यो‍ । व्यक्तिगत फाइदा हेरेको भए पहिला नै प्रधानमन्त्री छोड्दिन थिए नी ।

ऋषि–निर्णय नेता हुन सक्नु भएन नी नेपाली राजनीतिमा केपी ओलीसँग मिलेपछि त ?

प्रचण्ड– मैले अघि एउटा कुरा भने तपाईलाई त्यसलाई तपाईले सायद ध्यान दिनु भएन । म फेरि भन्छु– सुशासन र विकासले गती लियो भने प्रधानमन्त्री फेरिराख्नुपर्छ भन्ने छैन । सहमति गरेको कारण फेरिहाल्नुपर्छ भन्ने छैन । तर म पनि एउटा नेता भएको हैसियतले मेरो जिम्मेवारी पनि राम्रोसँग परिभाषित हुनुपर्छ । त्यसैले सरकार एउटा अध्यक्षले र पार्टीको नेतृत्व एउटा अध्यक्षले ग¥यो भने सन्तुलन मिल्छ । र, म फेरि प्रधानमन्त्री भइराख्नुपर्छ भन्ने छैन । मैले खेल्ने पार्टी अध्यक्षको रुपमा मैले खेल्ने भूमिका राम्रोसँग खेल्छु । यो विषयमा छलफल चलिरहेको छ । तर, एउटा कुरा के हो भने फेरि विभिन्न परिस्थितिले काम पनि गर्छ । हिजो हामीले एकता गर्दा जे सहमित गरेका छौं, हामी सबै त्यो प्रति सबै इमान्दार हुनुपर्छ । अहिले म कसैसँग आशंका गर्दिन । के विश्वास गर्छु भने ओली जीले समय आएपछि सत्ता हस्तान्तरण गर्न उहाँले अफ्ट्यारो मान्नुहुन्न, मैले लिन पनि अफ्ट्यारो मान्दिन । राम्रो काम भयो र पार्टी भित्र सहमति भयो भने उहाँलाई पाँच वर्ष सरकार सञ्चालन गर्न दिन म अफ्ट्यारो मान्दिन र उहाँले(ओली) पार्टीको सञ्चालन तपाईले गर्नुस् भनेर दिन अफ्ट्यारो मान्नु हुँदैन ।
मैले भनेको कुरा बुझिन्छ ? भन्दै प्रचण्डले ऋषि धमलाईलाई सोधे ।

ऋषि– ओली जी र तपाईंको बीचमा सरकारको नेतृत्व साढे दुई\साढे दुई मा गर्ने सहमति भयो तर ओली जीले छोड्नु भएन भने के हुन्छ ?

प्रचण्ड– सबै चिज सहमतिबाट हुनुपर्छ भन्ने छ । त्यो पार्टीले गर्ने डिसिजन हो । अहिले म त्यो कल्पना गर्न चाहन्न । मैले प्रधानमन्त्री जीलाई दुःख सुख सबैमा मैले रक्षा गर्न मेरो ठाउँबाट बल गरिराखेको छु । मैले सरकार र प्रधानमन्त्रीको पक्षमा सार्वजनिक कार्यक्रममा भनिरहेको छु । अहिले म यो प्रश्नमा जान चाहन्न र यो उचित हुँदैन । सहजरुमा कुराकानी गरिरहेका छौं ।

एकता र अहिलेसम्म हाम्रो कमी छ भने त्यसलाई समिक्षा गर्ने र सच्याउने तर्फ बल गरिरहेका छौं । त्यसकारण भोली उहाँले छोड्नु हुन्न भनेर म कल्पना गर्न चाहन्न । यो विषय हामीले समझदारी अनुसार जान्छ भन्ने छ ।

दोस्रो, सवाल फेरि पनि सुसासन र जनताको विकास र समृद्धिको आकांक्षालाई सम्बोधन गर्ने कुरा हो । जनताले नेकपाको सरकार भएको बेला सुसानको अनुभुति गरेकी गरेनन्, भन्ने सवाल हो । जनताले अब चाहिँ देशमा विकास हुने भयो, भ्रष्टाचार विरुद्ध गयो सरकार र पार्टीको अर्को स्वार्थ छैन भन्ने जनताले बुझे भने चिज एक ढंगले जान्छ । जनताले भ्रष्टाचार बढेको छ, विकास पनि राम्रो भइरहेको छैन भन्ने ठान्यो भने परिस्थिति अर्को ढंगले जान्छ । कुरा बुझ्नु भयो त !

हिजो हामीले एकता गर्दा जे सहमति भएको छ त्यो अनुसार गयो भने फरक स्प्रिट अनुसार जान्छ । सहमतिभन्दा विपरित कुराहरु गर्न थालियो भने चिजहरु अर्को ढंगले जान्छ । मेरो चाहिँ एकतालाई सुदृढ गर्ने र आधारमा टेक्ने र जे सहमति गरेको छ त्यसलाई इमान्दारिताका साथ गर्ने भन्ने नै छ ।

केपी जीले मलाई एकता महाधिवेशनमा अध्यक्ष बनाउनँदैमा उहाँ पाँच वर्ष प्रधानमन्त्री भन्ने हुँदैन

के कोलागि भने देश र जनताको लागि राष्ट्रको एकता र स्वाधिताको लागि तर त्यो बाट दायाँबायाँ गर्न कसैले खोज्यो भने त्यो टिक्दैन ।
कसैले धेरै घमण्ड गर्यो‍ भने घमण्डको अन्तिम परिणति राम्रो हुँदैन । यो सबैले महसुस गरेका छौं । एकाध कुराहरु त्यस्ता देखिन खोज्छन् ।

ऋषि–ओली जी र तपाईबीच दुरी बढ्यो भन्छन् नी !

प्रचण्ड– त्यस्तो पनि होइन । अब एउटा कुरा के हो भने सहमति कार्यान्वयनमा आवश्यक गम्भीरता, निर्णय लिँदा सम्पूर्ण रुपमा इमान्दार र पारदर्शी खालको छलफल, छलफलबाट निर्णय लिने प्रकृयामा गम्भीर हुनैपर्छ । त्यहाँ गम्भीर भएन भने स्थीति गम्भीर बन्ने खतरा हुन्छ । तर, हामी अहिले जसरी छलफल गरिराखेका छौं, ओलीसँग खुलेर छलफल हुन्छ । केही दिन अघि खुलेर दुबैजनाबीच मनमा लागेको कुरा भयो ।

ऋषि–ओली जीले एकता महाधिवेशपछि तपाईंलाई अध्यक्ष बनाउनुभयो भने उहाँ पाँच वर्षको प्रधानमन्त्री हो ? सही हो ?

प्रचण्ड– अब त्यो सही होइन, त्यो पूरा होइन । सही त हो, सत्यको अंश हो तर पूरै होइन । केपी जीले मलाई एकता महाधिवेशनमा अध्यक्ष बनाउनँदैमा उहाँ पाँच वर्ष प्रधानमन्त्री भन्ने हुँदैन । मुख्य कुरा जनताले चाहेजस्तो सुशासन र विकासलाई पनि गति दिइयो र एकता अधिवेशमा सबै कुरा सहमतिले गयो भने केपी जी पाँच वर्षै प्रधानमन्त्री हुनसक्नु हुन्छ ।

ऋषि–जनताको चाहना अनुसार काम भएन भने ?

प्रचण्ड– परिवर्तन हुनसक्छ, सहमति अनुसार परिवर्तन गर्नेस्थिति आउँछ ।

ऋषि– माधव नेपाल, झलनाथ, वामदेवलगायतसँग संसदीय दलको नेता परिवर्तन गर्ने र ओलीलाई हटाउने सहमति भएको हो ?

प्रचण्ड– होइन यो गलत हो । सरकारलाई कसरी सफल पार्ने एकतालाई कसरी निष्कर्षमा पुराउने भन्ने बारेमा माधव, झलनाथ, बामदेव, नारायणकाजीका बीचमा मात्र होइन प्रधानमन्त्री र मेरो, इश्वर पोखरेल बीचमा भइरहेको छ । महासविचवसँग पनि छलफल भइरहेको छ । अहिले कुनै पनि छलफल सरकार हटाउने र अर्को बनाउने बारेमा केन्द्रित भएको छैन । सरकारलाई के गरि प्रभावकारी बनाउने र एकतालाई के गरि छिटो टुंग्याउने भन्ने छ । बाँकी सबै बजारको हल्ला हो ।

ऋषि– पार्टी भित्र वैचारिक बहस शुरु भएको हो ? जबजलाई स्वीकार गर्नु भएको हो ?

प्रचण्ड– जनताको बहुदलीय जनावादले कम्युष्टि आन्दोलन लोकप्रिय बनाउन भुमिका खेल्यो र २१ शताव्दिमा जनवाद भन्ने कार्यक्रमले विशेष परिस्थितिमा महत्वपूर्ण भूमिका खेल्यो भन्ने हामीले सर्वसम्मत निर्णय गरेका छौं । हामीले जबजलाई र २१ शताव्दिलाई पनि सकारात्म ढंगमा टुंग्यायौं ।

हामीले अहिले ६३ /६३ सम्ममा आउँदा देश जनक्रान्ति बडो मौलिक रुपमा सम्पन्न भयो अब नेपाल जनवादी क्रान्तिको युगमा नभइ समाजवादको आधार निर्माण गर्ने तिर गयो भन्ने संस्लेषण गरिएको छ । यो एकतापछि गरिएको होइन । एमालेको नवौं महाधिवेशनले अबको बाटो समाजवादको बाटो हो भन्ने छ र माओवादी केन्द्रबाट पनि अबको बाटो समाजवादको बाटो हो भन्ने पारित भएको छ यसलाई ख्याल गर्नु जरुरी छ ।

कार्यदलले सर्वसम्मतिले मस्यौदा गरेको छ र सचिवालयले सर्वसम्मतले पास गरेको छ । रणनीति चाँहि समाजवाद हो, तत्कालका लागि जनताको जनवाद जुन समाजवाद उन्मुख छ भनिएको छ त्यसमा सर्वसम्मत भनिएको छ । त्यसमा जबज वा २१ शताव्दि भनिएको छैन ।
जबज र विकसित र परिमार्जित गर्नुपरो र २१ शताब्दिलाई पनि परिमार्जन गर्नुपरो भन्ने छ त्यसकारण लाइनको समस्या हल भयो भन्ने छ ।
अहिले एकताको विशेष परिस्थिति भएका कारण एकता महाधिवेशन पनि सहमति मै गर्ने सहमती ओली जी र म बीच भएको छ ।

(पत्रकार ऋषि धमलाले जनता जान्न चाहन्छन् नामक टेलिभिजन कार्यक्रमका लागि लिएको अन्तर्वार्ताको सम्पादित अंश)

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top