पार्टी एकताबारे प्रचण्डले भने ‘विग्रेको छैन्, बरु छिट्टै निष्कर्शमा पुग्ने देखेको छु’
चितवन–नेकपा (माओवादी केन्द्र) का अध्यक्ष पुष्पकमल दाहाल प्रचण्डले पार्टी एकता दुई तीन दिनभित्रै टुंगोमा पुग्ने दाबी गरेका छन् । चितवनको भरतपुरमा आईतबार प्रथम प्रकाश दाहाल स्मृति राष्ट्रिय खेलकुद प्रतियोगिताको उद्घघाटनपछि पत्रकारहरुसँग संक्षिप्त प्रतिक्रिया दिँदै प्रचण्डले पार्टी एकीकरण छिट्टै टुंगिने बताएका हुन ।
पुर्व प्रधानमन्त्री समेत रहेका माओवादी अध्यक्ष प्रचण्डले नेपाली राजनीतिमा राष्ट्र र जनताको आवश्यकता अनुसार जस्तोसुकै निर्णय लिन सक्ने दोहोर्याएका छन् । उनले आफ्नो अभिव्यक्ति समग्रतामा भनेको दाबी गर्दै अहिले नै अर्को अर्थ नलगाउन समेत आग्रह गरेका छन् ।
दुई पार्टी एकीकरणका सन्दर्भमा उनले भने, ‘म काठमाण्डु गएपछि कुराकानी हुन्छ, मेरो चाहाना छ दुई तीन दिन भित्र टुंगियोस्, यो कुरा नलम्बियोस् भन्नेमा छु ।’
