काठमाण्डु-सरकारले ताप्लेजुङको पाथीभरा मुक्कुम्लुङ क्षेत्रमा केवलकार निर्माणको क्रममा उत्पन्न विवाद समाधानका लागि सम्बद्ध पक्षहरूसँग वार्ता गर्न वार्ता टोली गठन गरेको छ ।
गृह मन्त्रालयका सहसचिव प्रेमप्रसाद भट्टराईको संयोजकत्वमा गठन भएको टोलीले वार्ता र संवादको माध्यमबाट समस्या समाधान गर्नेछ । टोलीमा संघीय मामिला तथा सामान्य प्रशासन मन्त्रालय, संस्कृति, पर्यटन तथा नागरिक उड्डयन मन्त्रालय र शहरी विकास मन्त्रालयका प्रतिनिधिसमेत रहेको गृह मन्त्रालयले जनाएको छ ।
वार्ता टोलीले तत्काल काम शुरू गर्ने र आन्दोलनरत पक्षलाईसमेत आन्दोलनका कार्यक्रमहरू फिर्ता लिई संवादमार्फत समस्या समाधानमा सहयोग गर्न गृह मन्त्रालयले अपिल गरेको सहसचिव एवम् प्रवक्ता रामचन्द्र तिवारीले जानकारी दिए ।
प्रतिक्रिया