प्रधानन्यायाधीशको नाम सिफारिस गर्न बोलाइयो संवैधानिक परिषद् बैठक
काठमाण्डु- प्रधानमन्त्री पुष्पकमल दाहाल प्रचण्डले मंगलबार बस्ने गरी संवैधानिक परिषद्को बैठक बोलाएका छन्।
प्रमुख सत्तारुढ नेपाली कांग्रेसका सभापति शेरबहादुर देउवा र प्रमुख प्रतिपक्षी नेकपा एमालेका अध्यक्ष केपी शर्मा ओलीसँग छलफल गरेपछि प्रधानमन्त्री प्रचण्डले संवैधानिक परिषद्को बैठक बोलाएका हुन्।
मंगलबार अपराह्न ४ बजे बस्ने गरी बोलाइएको बैठकबाट नयाँ प्रधानन्यायाधीशका लागि नाम सिफारिस गर्ने एजेन्डा रहेको जनाइएको छ । यसअघि शीर्ष तीन नेताबीच भएको भेटका क्रममा संवैधानिक परिषद् बैठक र संसदको गतिरोध अन्त्य लगायतका विषयमा छलफल भएको थियो ।
