प्रधानमन्त्री ओलीले महासंघ बैठककमा भने – अन्र्तराष्ट्रिय मुद्दाहरुमा नेपालले स्वतन्त्र धारणा राख्छ
न्युयोर्क – अमेरीकाको भ्रमणमा रहेका प्रधानमन्त्री केपी शर्मा ओलीले संयुक्त राष्ट्र संघको ७३ औं महासभाको बैठकलाई सम्वोधन गरेका छन् ।
प्रधानमन्त्री ओलीले नेपालको आन्तरिक मामिला एवं राजनीतिक वस्तुस्थितिबारे राष्ट्र संघको महासभालाई जानकारी दिंदै आफूलाई दुई तिहाई समर्थन प्राप्त रहेको र प्रदेशहरुमा पनि बहुमतको सरकार बनेको बताएका छन् ।
सम्वोधनका क्रममा प्रधानमन्त्रीले नेपालमा रहेका शरणार्थीदेखि लिएर क्षेत्रीय संगठन सार्कको समेत विषय उठान गरेका छन् ।
पश्चिमाहरुले नेपालमा रहेका तिब्बती शरणार्थीहरुको पक्षमा कुरा उठाउने र नेपाललाई दबाव दिने गरिरहेका बेला प्रधानमन्त्री ओलीले मानवताका आधारमा नेपालले शरणार्थीहरुलाई शरण दिइरहेको बताएका छन् । उनीहरुलाई सम्मानका साथ घर फर्काउने पहल गर्न अन्तरराष्ट्रिय समुदायसँग प्रधानमन्त्रीले आग्रहसमेत गरेका छन् ।
आफ्नो सम्वोधनमा प्रधानमन्त्री ओलीले भने, ‘नेपालले मानवताका आधारमा हजारौं शरणार्थीहरूलाई शरण दिएको छ । अन्र्तराष्ट्रिय समुदायले उनीहरूको सम्मानका साथ घर जान पाउनुपर्ने अधिकार सुनिश्चित गर्नुपर्छ ।’
अन्र्तराष्ट्रिय मुद्दाहरुमा नेपालले आफ्नो स्वतन्त्र धारणा राख्ने गरेको प्रधानमन्त्री ओलीले बताएका छन् । ‘हाम्रो परराष्ट्रनीतिले हामीलाई सबैसंग मित्रता कायम गर्न र कसैसंग पनि वैरभाव नराख्न निर्देशित गर्दछ,’ प्रधानमन्त्री ओलीले भने, ‘यही सिद्धान्तअनुसार हामीले अन्तराष्ट्रिय मुद्दाहरूमा आफ्नो स्वतन्त्र धारणा राख्ने गरेका छौं।’
नेपालको परराष्ट्र नीतिअनुरुप क्षेत्रीय सहकार्यलाई ठूलो महत्व दिने गरेको प्रधानमन्त्री ओलीले बताएका छन । यसक्रममा उनले राष्ट्र संघमा दक्षिण एशियाली क्षेत्रीय सहयोग संगठन (सार्क) को समेत प्रशंग उठाए ।
प्रधानमन्त्रीले भने, ‘हालै मात्र हामीले चौधौं बिमस्टेक सम्मेलनको आयोजना र्गयौं । हामी सार्कजस्तो महत्वपूर्ण क्षेत्रीय संगठनलाई पुनर्जीवित गर्न चाहन्छौं ।’
प्रधानमन्त्री ओलीले शान्ति प्रक्रियाका बँंकी कामहरु अघि बढेको, गम्भीर अपराधका घटनामा सरकारले कसैलाई पनि उन्मुक्ति नदिएको र सरकारले मानव अधिकारको सम्मान गरेको बताएका छन् ।
बुद्ध र सगरमाथाको देशबाट शुभकामना लिएर राष्ट्र संघको महासभामा आइपुगेको बताउंदै प्रधानमन्त्रीले यसअघि सन् २००६ मा पनि महासभा बैठकमा सहभागी भएको सम्वोधनका क्रममा स्मरण गरे ।
उनले नेपालको शासिन्त प्रक्रियामा सहयोग र्पुयाएकोमा राष्ट्र संघ र अन्तरराष्ट्रिय समुदायलाई धन्यवादसमेत दिएका छन् । प्रधानमन्त्री ओलीले नेपालको द्वन्द्व शान्तिमा रुपान्तरण भएको बताए ।
प्रधानमन्त्रीले राष्ट्र संघलाई गरेको सम्वोधनमा देशभित्र कुनै पनि राजनीतिक समुदायको असन्तुष्टि रहेको विषय चर्चा गरेनन् । तर, उनले राष्ट्रसंघको ‘लिभिङ नो वान बिहाइन्ड’ अवधाराणाले आफूहरुलाई उत्प्रेरणा प्रदान गरेको बताए ।
प्रधानमन्त्री ओलीले भने, ‘हामी सबै मिलेर एउटा प्रतिबद्धता गरौँ, इतिहासका पन्नामा एक्काइसौँ शताब्दीलाई झगडा, गरिबी, अविकास, अन्याय र शोषणको शताब्दी भनेर लेखिन नदिउँ ।’
