रुपन्देही– रुपन्देहीबाट चिनी सहितको ट्रक र कपडा बरामद भएको छ ।

शनिबार बिहान २ बजे भन्सार टोलीले चिनी सहितको ट्रक र कपडा बरामद गरेको हो ।

भन्सारको नेतृत्वमा गएको टोली र सशस्त्र प्रहरी डण्डाको सहकार्यमा लुम्बिनी रोड प्रकटेश्वर मन्दिर जाने बाटोबाट ट्रक सहित करिब २०० बोरा अवैध चिनी बरामद गरेको हो ।

ग २ ख १२९० नम्बरको ट्रकमा लोड भएको अवस्थामा उक्त चिनी बरामद गरिएको हो । अवैध चिनी सहितको ट्रक भने रमवापुर प्रहरी चौकी नजिकै रहेको थियो ।

यस्तै सोही स्थानबाट थप सञ्चित गरेको अवस्थामा ४० बोरा चिनी सशस्त्र प्रहरीले बरामद गरेको छ ।

राती नै गएको सोही भन्सार टोलीले लुम्बिनी रोड मोतिपुर क्षेत्रबाटै २ बन्डल कपडा समेत बरामद गरेको छ ।

ठूलो बण्डलमा कपडा लोड गरि मोटरसाइकल कुदाइरहेको अवस्थामा भन्सार टोली पछ्याएपछि २ वटै मोटरसाइकलले कपडा छाडी भागेका थिए ।