हामी गौतम बुद्धलाई भारतीय भनेर चिन्छौंः एस. जयशंकर
काठमाण्डु – भारतीय विदेशमन्त्री एस. जयशंकरले गौतम बुद्ध भारतमा जन्मिएको बताएका छन् ।
विदेशमन्त्री जयशंकरले महात्मा गान्धी र गौतम बुद्धलाई भारतीय भनेर चिन्ने बताएका हुन् । त्यस्तै उनले भारतसँग धेरै अनौंठो तरीकाले विविधता नेतृत्व गर्ने, व्यवस्थापन गर्ने र आन्तरिककरण गर्ने क्षमता रहेको बताए ।
‘हामीले महान भारतीय भनेर चिन्ने गौतम बुद्ध र महात्मा गान्धीलाई हो,’ उनले भने, ‘हामीले मात्र होइन यी दुईलाई विश्वले नै महान भारतीयका रुपमा चिन्छ ।’
मन्त्री जयशंकरले मुलुक नै नैतिक नेतृत्वको लागि अन्तर्राष्ट्रिय कानून र मापदण्डहरुमा दृढ प्रतिबद्धतासहित न्यायसंगत र न्यायसंगत विश्वको लागि कडा खोजीको पक्षमा रहेको बताएका छन् ।
‘यदि हामी कानूनबारे विश्वको पक्षमा बोल्दैनौं भने स्पष्ट छ कि यो जंगलको कानून हुनेछ’, उनले भने ।
