समाजवादी मोर्चाले सातै प्रदेशमा घोषणासभा गर्ने
काठमाण्डु – समाजवादी मोर्चाले प्रदेशस्तरमा घोषणासभा गर्ने निर्णय गरेको छ ।
साेमबार बिहान नेकपा एकीकृत समाजवादीको केन्द्रीय कार्यालय (आलोकनगर) मा बसेको मोर्चाको बैठकले आगामी भदौ ८ देखि प्रदेशस्तरीय घोषणासभा गर्ने निर्णय गरेको हो।
बैठकले ८ गते वीरगञ्ज,१२ गते बुटवल,१३ गते धनगढी, १४ गते सुर्खेत,१५ गते पोखरा, २३ गते हेटौंडा र २५ गते विराटनगरमा सभा गर्ने निर्णय गरेको एकीकृत समाजवादीका उपाध्यक्ष प्रमेश हमालले बताए ।
समाजवादी मोर्चामा सरकारको नेतृत्वकर्ता नेकपा माओवादी केन्द्रसहित जनता समाजवादी पार्टी, नेकपा एकीकृत समाजवादी र विप्लव नेतृत्वको नेपाल कम्युनिस्ट पार्टी छन्। उनीहरूले गत असार ४ गते समाजवादी मोर्चा घोषणा गरेका थिए।
