गायक दुर्गेश थापा पक्राउ
काठमाडौं – चर्चित गायक दुर्गेश थापा पक्राउ परेका छन् । ‘ह्याप्पी तिहार, चिसो बीयर’ बोलको विवादित गीत गाएपछि गायक थापा पक्राउ परेका हुन् ।
थापाले तिहारको बेला बीयर खाने प्रचार गरेको र कानूनी रूपमै प्रतिबन्धित गरिएको गाँजा खानुपर्छ भन्दै गीत गाएपछि दुर्गेशविरुद्ध जिल्ला प्रशासन कार्यालय काठमाडौंमा उजुरी परेको छ ।
सोही उजुरीको आधारमा थापालाई मंगलबार बालाजुबाट पक्राउ गरिएको महानगरीय प्रहरी अपराध महाशाखाका प्रमुख एसएसपी सहकूल थापाले जानकारी दिए । थापाले ‘ए निकाल गाँजा, खानुपर्छ आज’ भन्दै गीत गाएका थिए ।
