गुप्तांग गोरो बनाउने यस्तो ट्रेन्ड


काठमाडौं (एजेन्सी)– थाइल्याण्डमा पुरुषहरु आफ्नो गुप्तांग गोरो बनाउन जुटेका छन्।

एसियाली राष्ट्रहरुमा गोरो बन्ने कोशिस नौलो नभएपनि थाइल्याण्डमा भने गुुप्तांग नै गोरो बनाउने ट्रेन्ड सुरु भएको बीबीसीले आफ्नो रिपोर्टमा जनाएको छ।

गुप्तांगलाई गोरो बनाउने बारे प्रक्रिया अनलाइनमा राखिएको छ। जुुन केही समयमा नै भाइरल बनेको थियो । यसमा मानिसहरुको क्रेज बढेपछि थाइल्याण्डको स्वास्थ्य मन्त्रालय चेतावनी समेत जारी गरेको छ।

यस प्रक्रियामा सहभागी एक पुरुष भन्छन्, ‘म स्वीमिङ ब्रिफ्समा अझै कन्फिडेन्ड महसुस गर्न चाहन्छु।’ ३० वर्षीय यी पुरुषले दुई महिनाअघि यस प्रक्रियाबाट गुज्रेका थिए। उनी भन्छन्, ‘फरक महसुस हुँदैछ।’

यो ट्रिटमेन्ट गर्ने क्लिनकले आफ्नो फेसबुक पेजमा यो पोष्ट राखेपछि दुई दिनमा नै १९ हजार पटक सेयर भएको थियो। यस प्रक्रियामा छालाको मेलानिनको मात्रा कम गरिने बताइएको छ । यस पोष्टमा उपचार कक्षको तस्विर र उपचार अघि र पछिको फरक पनि देखाइएको छ।

यसबारे मानिसहरुले विभिन्न प्रतिक्रिया दिइरहेका छन्। केहीले यसको आवश्यकताबारे प्रश्न उठाएका छन्। केही भने रमाइलो कमेन्ट पनि गरेका छन्, ‘यसलाई टर्चजस्तै प्रयोग गर्न सकिन्छ। चम्कन दिनुहोस्।’ एक महिला प्रयोगकर्ताले हैरानी जताउँदै लेखेकी छिन्, ‘हामी रंगभन्दा पनि आकार र प्रयोगबारे बढी चिन्तित छौँ।’

यो सेवा दिने लेलक्स अस्पतालका मार्केटिङ म्यानेजर पोपोल तंसाकुलले बिबिसीसँग कुरा गर्दै उनीहरुले चार महिनाअघि महिलाहरुको योनाङ्ग गोरो बनाउने सेवा शुरु गरेको बताए। त्यसपछि धेरै पुरुषहरुले यसको बारेमा प्रश्न गरेपछि पुरुषहरुका लागि पनि सेवा शुरु गरिएको उनले जानकारी दिए।

‘मानिसहरुले पुरुषहरुको गुप्ताङ्ग गोरो बनाउने बारे प्रश्न गर्न थालेपछि एक महिनापछि हामीले पुरुषहरुका लागि पनि सेवा शुरु गर्यौँ,’ उनले भने।

यसको पूरा खर्च ६५० डलर लाग्ने बताइएको छ। यहाँ हरेक महिना २० देखि ३० जना यो उपचार गराउन आउने गरेका छन्। जसमा म्यान्मार, कम्बोडिया र हङकङका नागरिक पनि रहेका छन्।

क्लिनिङको चर्चा व्यापक भएपछि थाइल्याण्डको स्वास्थ्य मन्त्रालयले यसबारे चेतावनी जारी गर्दै यस प्रक्रियामा सहभागी हुनेहरुले पीडादेखि बच्चा पैदा गर्ने र सेक्स गर्न समस्या हुने बताएको छ।

प्रतिक्रिया दिनुहोस
Advertisement