काठमाण्डु – पूर्व प्रधानमन्त्री केपी ओलीका सुरक्षा गार्ड इन्स्पेक्टर उमेश थापाको मृत्यु भएको छ ।

सुरक्षा गार्ड सशस्त्र प्रहरी निरीक्षक (इन्स्पेक्टर) थापाको शनिबार बिहान भक्तपुरको गुण्डुस्थित निवासमै मृत्यु भएको ओलीले सामाजिक सञ्जालमार्फत जानकारी दिएका छन् ।

शुक्रबार साँझ ड्युटी सकेर घर गई सुतेका थापा बिहान मृत फेला परेका थिए ।

ओलीले लेखेका छन्, ‘धेरै नबोल्ने र लजालु स्वभाव । काममा जहिले पनि तम्तयार । सुरक्षामा खटिएका सशस्त्र प्रहरीका इन्स्पेक्टर भाइ उमेश थापाको निधनको खबरले दुःखी छु । आज म बाहिरका कुनै पनि कार्यक्रममा सहभागी भइनँ । हिजो साँझ छुट्टिएर आफ्नै घर गएका उमेश भाइको बिहान निधनको खबर आयो । परिवारजनमा समवेदना व्यक्त गर्दछु ।’