त्रिभुवन विश्वविद्यालयको उपकूलपतिमा प्रा.डा. बराल नियुक्त
काठमाण्डु – त्रिभुवन विश्वविद्यालयको उपकूलपतिमा प्रा.डा. केशरजंग बराल नियुक्त भएका छन् ।
त्रिविका कूलपति तथा प्रधानमन्त्री पुष्पकमल दाहाल ‘प्रचण्ड’ले बिहीबार बराललाई उपकूलपति नियुक्त गरेका छन् ।
उपकूलपति सिफारिसका लागि शिक्षा, विज्ञान तथा प्रविधिमन्त्री अशोक राई नेतृत्वमा समिति गठन गरिएको थियो । समितिले चित्रबहादुर बुढाथोकी, बराल र टंकनाथ धमलाको नाम सिफारिस गरेको थियो ।
प्रधानमन्त्री प्रचण्डले पहिलो नम्बरमा रहेका बुढाथोकीलाई छाडेर दोस्रो नम्बरका बराललाई उपकूलपति नियुक्त गरेका छन् ।
बराल २०६४ सालमा पोखरा विश्वविद्यालयको उपकूलपति नियुक्त भएका थिए ।
