चिनियाँ विदेशमन्त्री वाङ स्वदेश फर्किए
काठमाण्डु- नेपाल भ्रमणमा आएका चिनियाँ विदेशमन्त्री वाङ यी आइताबर स्वदेश फर्किएका छन् । तिन दिने नेपाल भ्रमणमा नेपाल आएका विदेशमन्त्री वाङ आइतबार अपरान्ह स्वदेश फर्किएका हुन् । त्रिभुवन अन्तर्राष्ट्रिय विमानस्थलमा परराष्ट्र मन्त्रालयका कर्मचारीले विदेशमन्त्री वाङलाई विदाई गरेका छन् ।
विदेशमन्त्री वाङ शुक्रबार काठमाण्डु आइपुगेका थिए । विदेशमन्त्री वाङले प्रधानमन्त्री शेरबहादुर देउवा, राष्ट्रपति विद्यादेवी भण्डारी, नेकपा एमालेका अध्यक्ष केपी शर्मा ओली, नेकपा माओवादी केन्द्रका अध्यक्ष पुष्पकमल दाहाल प्रचण्डसँग भेटवार्ता गरेका थिए ।
शनिबार दुई देशबीच विभिन्न ९ बुँदे सम्झौतापत्रमा हस्ताक्षर भएको थियो । जसअनुसार चीनबाट आर्थिक तथा प्राविधिक सहयोग, प्रसारण लाइनको सम्भाव्यता अध्ययन, चिनियाँ स्वाथ्यकर्मीको टोलीले नेपालमा सेवा प्रवाह गर्नेलगायत विषयमा समझदारी भएको छ । त्यस्तै, खोप हस्तान्तरण, अरनिको राजमार्ग हस्तान्तरण तथा घाँस निर्यातलगायत समझदारीपत्रमा हस्ताक्षर भएको हो ।
