खेलकुद

विश्वकप छनोट:नेपाल निर्णायक खेलमा हङकङसँग भिड्दै

काठमाडौं– विश्वकप छनोट क्रिकेटमा नेपाल निर्णायक खेलमा सोमबार हङकङसँग भिड्दैछ । लगातार तीन खेलमा पराजित भइसकेको नेपालले एकदिवसीय मान्यता पाउने संभावना कायम राख्न हङकङलाई हराउनै पर्नेछ ।
नेपालको सुपर सिक्स प्रवेशको संभावना गणितीय रुपमा मात्र कायम छ । हङकङलाई विशाल अन्तरले पराजित गरेमा मात्र सुपर सिक्समा प्रवेश गर्नेछ । पराजित भए पनि नेपालको एकदिवसीय मान्यता पाउन समूह ’ए’ को नजितामा भर पर्नेछ । समूह ’ए’ नेदरल्यान्ड्स सुपर ६ पुगे तथा यूएई बाहिरिए नेपालको एकदिवसीय मान्यता पाउने सम्भावना बाँकी रहनेछ । तर यो समीकरण पूरा हुन पनि कठिन छ । किनकी युएई २ खेलमा जित निकाल्दै सुपर ६ नजिक छ ।

सुपर ६ मा पुग्न भने नेपालले हङकङलाई पराजित गरेर मात्र पुग्दैन फराकिलो अन्तरले पराजित गर्नु पर्ने हुन्छ। त्यसका लागि नेपालले हङकङलाई २ सय १८ रन भन्दा बढी (पहिले ब्याटिङ गरेर ३ सय रन बनाएको अवस्थामा ) पराजित गर्नु पर्छ। यस्तो नजिताले नेपालले रनरेटमा अफगानिस्तान र हङकङलाई पछि पार्नेछ ।

यो पनि एकदिवसीय मान्यता पाउन नेपालले लगातार तीन खेल जित्नु पर्ने समीकरण प्रतियोगितामा अफगानिस्तानलाई पराजित गरेको हङकङ बलियो टिम हो। हङकङले जिम्बावे विरुद्ध पनि राम्रो ब्याटिङ गरेको थियो।
नेपाल र हङकङबीच प्रतियोगिताअघि वार्म अप खेल हुने तय भएपनि वर्षाका कारणले रद्द भएको थियो। खेल नेपाली समय अनुसार दिउँसो सवा १ बजे बुलवायोमा सुरु हुनेछ ।

Comments

comments

ad

धेरै पढिएको समाचार

NIC Asia Bank
NMB Bank
Shivam Cement
Yeti Airlines
KBC
Salt Trading

Now get KathmanduPati App on your mobiles.

Android App iOS App
Scroll to Top