काठमाडौं – सत्तारूढ नेपाल कम्युनिष्ट पार्टी नेकपाको सचिवालय बैठक बालुवाटारमा सुरू भएको छ। प्रधानमन्त्रीको सरकारी निवास बालुवाटारमा शनिबार अपरान्ह सुरू भएको बैठकमा सभामुखको उम्मेदवार चयन गर्ने लगायत एजेन्डामा छलफल गर्न बैठक बसेको हो ।

उपसभामुख शिवमाया तुम्बाहाम्फेले सभामुखमा आफ्नो दाबी प्रस्तुत गर्दै आएकी छन्।  तर अध्यक्षद्वय ओली र प्रचण्डका पनि आफ्नै उम्मेदवार छन्। ओलीले सुवास नेम्वाङ र प्रचण्डले अग्नी सापकोटालाई सभामुख बनाउनुपर्ने अडान राख्दै आएका छन्। पम्फा भुसालको नाम पनि चर्चामा छ।