लस एन्जलस – स्पेनको लक्ष्य यसपालीको विश्वकप उपाधि जित्ने रहेको र आफ्नो देशले विश्वकप जितेमा आफूले गोल गर्न नसकेको कुरालाई कसैले पनि मतलब नगर्ने स्पेनी सुपरस्टार लामिने यामालले बताएका छन् ।

बिहीबार बेल्जियमविरुद्ध २–१ को क्वार्टरफाइनल जीतमा उनले गोल गर्न नसकेपछि सञ्चारकर्मीले गरेको प्रश्नको जवाफमा फूटबलमा सामूहिक प्रदर्शनबाट राम्रो नतिजा निकाल्ने प्रयास हुने बताउँदै व्यक्तिगत गोल संख्याको दौडमा लाग्नु सही नहुने बताएका हुन् ।

लियोनेल मेस्सी, किलियन एम्बाप्पे, एर्लिङ हालान्ड र ह्यारी केनजस्ता स्टारहरू गोल गर्न व्यस्त रहेको प्रतियोगितामा १८ वर्षीय यामालले अहिलेसम्म जम्मा १ गोल मात्र गरेका छन् । साउदी अरब विरुद्धको ४–० को सामान्य जीतमा उनले विश्वकपका लागि पहिलो गोल गरेका थिए ।

‘म गोल गर्न चाहन्छु तर मैदानमा जाँदा म यसैबारे सोच्दिनँ । म टीमलाई सहयोग गर्न सोच्छु,’ यामालले भने ।

बार्सिलोनाका स्टारले लस एन्जलसमा फ्रान्ससँग सेमिफाइनल खेल्ने गरी भएको जीतपछि भने, ‘महत्वपूर्ण कुरा जीत हो । यदि हामी विश्वकप जित्यौं भने मैले गोल गरे वा नगरेको कसैलाई याद रहँदैन ।’

उनले भने, ‘मलाई थाहा छ कि गोल नगरे पनि म टिमलाई योगदान दिन सक्छु । मेरो गतिविधिले धेरै प्रतिद्वन्द्वीलाई तान्छ, त्यसैले म आफ्नो देशको टोलीको लागि सबै योगदान गर्न तयार हुन्छु ।’

सन् १६ वर्षको उमेरमा नै यामाल स्पेनको ‘युरोपियन च्याम्पियनशिप’ जित्ने टीमका लागि उदियमान फूटबलस्टार बन्न सफल भएका थिए ।

जीतमा उनले फ्रान्सविरुद्ध सेमिफाइनलमा गरेको शानदार गोल समग्र प्रतिस्पर्धाको जम्मा १ गोल मात्र थियो । उनले मुस्कुराउँदै भने, ‘धेरैले मलाई धेरै गोल गर्नुपर्छ भन्ने धारणा राख्छन्, तर युरोमा पनि मैले १ गोल गरेर टीमले जितेको थियो । यहाँ पनि मेरो १ गोल भइसकेको छ, त्यसैले म शान्त छु ।’

स्पेनले यस विश्वकपमा धेरै गोल गर्ने समूह फ्रान्सलाई हराउन चाहन्छ भने यामालबाट थप गोलको आशा गरिएको छ । उनी सेमिफाइनल अघिल्लो दिन १९ वर्ष पुग्दैछन् ।

यामालले भने, ‘उनीहरूले लगातार ३ विश्वकप फाइनलमा पुग्नेछन् वा हामीले उनीहरूलाई ३ पटक हराउँनेछौँ भन्ने अहिले २ सम्भावना रहेका छन् । हेर्न बाँकी छ ।’ (रासस/एएफपी)