मालिकामा यस्तो देखिइन् कर्णालीकी छोरी कमला (भिडियोसहित)
काठमाडौँ- रेखा थापा अभिनित तथा निर्देशित चलचित्र मालिकाको दोस्रो गीत सार्वजनिक गरिएको छ । आस्था राउतको स्वर रहेको उक्त गीतमा शब्द तथा संगीत सुरेश अधिकारीको रहेको छ ।
गीतको भिडियोमा रेखा थापा सहित नयाँ कलाकार कमला ओली देखिएकी छन् । आफ्नो पहिलो फिल्म खेलिरहेकी कमला यो गीतमा एक खेलाडिको रुपमा देखाएकी छन् ।
निकै जोश भरिएको र यस गीतमा रेखा कमलालाई प्रशिक्षण दिइरहेको देखाउन खोजिएको छ । जहाँ कमला ग्रामीण पृष्ठभुमिबाट बाल विवाहको शिकार भइ आएकी पात्रको रुपमा देखिएकी छन् ।
यस भिडियोमा पूर्व पश्चिम राजमार्गका विभिन्न भाग र पहाडी इलाकाका सुन्दर दृष्य देखाइएको छ । कार्तिक २१ मा रिलिज हुने यस फिल्मलाई सरस्वति थापाले निर्माण गरेकी हुन् ।
