बझाङ दुर्घटना: मन्त्री सिंहकी पत्नी र भाउजूको मृत्यु
काठमाण्डु – बझाङमा भएको सवारी दुर्घटनामा परेका सुदूरपश्चिमका आन्तरिक मामिला तथा कानुनमन्त्री पृथ्वीबहादुर सिंहका पत्नी अमृता र उनकी भाउजु जयादेवीको मृत्यु भएको छ।
मंगलबार दिउँसो बझाङको केदारस्यु गाउँपालिका-१ झारछडा स्थित जयपृथ्वी राजमार्गमा मन्त्री सवार गाडी दुर्घटनामा परेको थियो। घटनामा घाइतेमध्ये सिंहकाे श्रीमती र भाउजूको मृत्यु भएको जिल्ला प्रहरी कार्यालय बझाङले जनाएकाे छ ।
घाइते सिंहसहित ३ जनालाई हेलिकप्टरबाट नेपालगञ्ज लगिएको छ । सिंह र पीएसओ प्रहरी सहायक हवल्दार दीपक भण्डारीको अवस्था गम्भीर छ । चालक धर्मराज जोशीको अवस्था भने मध्यम रहेको बताइएको छ ।
