कला र मनोरञ्जन

मिस तामाङ २०१८ काे ताज सिम्रनलाई

काठमाडौँ – यस वर्षको मिस तामाङको उपाधि ठोरी गाउँपालिका पर्साकी सिम्रन स्याङ्बोले जितेकी छिन् । नेपाल तामाङ कला–संस्कृति केन्द्र र एभरेष्ट फेसन होमले संयुक्त रुपमा शनिबार होटल सोल्टी क्राउन प्लाजामा आयोजना गरेको एघारौँ संस्करणको मिस तामाङको उपाधि पर्साकी सिमरनले जितेकी हुन् ।

Dish Home

उनले प्रतियोगितामा सहभागि २७ प्रतिष्पर्धीलाई उछिन्दै उपाधि चुमेकी हुन् । सिम्रनले प्रतियोगितामा सबैभन्दा बढी भोट प्राप्त गरीन् । उपाधिसँगै उनले एक लाख पुरस्कार हात पारीन् । सिमरनलाई सन् २०१७ की मिस तामाङ पिंकी घिसिङले ताज पहि¥याएकी हुन् । उनी एक वर्षसम्म सिभिल गु्रपको ब्राण्ड एम्बास्डर समेत भएकी छिन् ।

यस्तै, फस्ट रनरअपसँगै इमेज भ्युवर च्वाइस नुवाकोटकी रञ्जिता लामा, सेकेण्ड रनरअपसँगै फोटो भ्युवर काठमाडाँैंकी कुञ्छान लामा, फोर्थ रनरअपसँगै ब्युटिफुल स्माइल मकवानपुरकी गीताञ्जली पाख्रिन तथा फिप्थ रनरअप काभ्रेकी अनिशा तामाङ वनिन् । यसैगरी, वेष्ट क्याटवाकको उपाधि रूपा घिसिङ, वेष्ट पर्सनालिटी आशिका बले, वेष्ट फ्रेण्डसिप सिम्रन लामा, वेष्ट अनुशासन क्रिष्टिना लामा तथा वेष्ट ब्युटिफुल हेयरको उपाधि प्रियंका लामाले हात पारिन् ।

निर्णायकहरू सिभिल होमका अध्यक्ष इच्छाराम तामाङ, सन् २०१२ की मिस तामाङ सुमी मोक्तान, नायिका ओसिमा बानु, समाजसेवीद्वय प्रविण मोक्तान र भुपाल तामाङ रहेका थिए । तामाङ जातिको कला, संस्कृति, भेषभुषा तथा रीतिरिवाज हराउँदै गएकाले त्यसलाई जोगाउने उद्देश्यले मिस तामाङ प्रतियोगिता आयोजना गरेको नेपाल तामाङ कला–संस्कृति केन्द्रका संस्थापक मिलन मोक्तानले जानकारी दिए ।
“यूवा पुस्ताले आफ्नो संस्कृति र रितीरवाज छोड्दै गएको छ, यसलाई जोगाइराख्न प्रतियोगिता आयोजना गदै आएका छौँ” उनले भने ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

SUMEGH
Prabhu Bank
Shivam Cement
Yeti Airlines
Kumari Bank
Shikhar Insurance
Salt Trading
Nepal Life Insurance

Now get KathmanduPati App on your mobiles.

Android AppiOS App
Scroll to Top