सौर्य एयरलाइन्स विराटनगर शाखाका स्टेशन म्यानेजर पक्राउ
काठमाण्डु – ५० लाख नगद बरामद प्रकरणमा सौर्य एयरलाइन्सको बिराटनगर शाखाका स्टेशन म्यानेजर पनि पक्राउ परेका छन् ।
शनिबार दिउँसो विराटनगरबाट काठमाण्डुमा अवतरण भएको जहाजबाट विमानस्थल प्रहरीले स्रोत नखुलेको ५० लाख नगदसहित सौर्य एयरलाइन्सका कर्मचारी रेखा शाक्य पोखरेललाई पक्राउ गरेको थियो ।
भद्रपुर विमानस्थलमा जहाजको इन्जिन स्टाट गरिएपछि स्टेशन म्यानेजर प्रकाश पौडेलले उडान नम्बर सौ–७२४ मा सो पैसाको रातो रंगको ब्याग दिएका थिए ।
सो रकम चेकजाँच नगरीकन विमानमा राखिएको सुराकको आधारमा पौडेल र रेखालाई पक्राउ गरेर राजस्व अनुसन्धान विभाग हरिहर भवनमा उपस्थित गराइएको त्रिभुवन विमानस्थल सुरक्षा कार्यालयले जनाएको छ ।
यो पनि:
सौर्य एयरलाइन्सका कर्मचारी ५० लाखसहित विमानस्थलबाट पक्राउ