आँखिर कसले उडायो बेनिशाको मन? (भिडियोसहित)

काठमाडौं– चलचित्र ‘ब्लाइण्ड रक्स’ को ‘उड्यो मन’ बोलको गीतको म्युजिक भिडियो सार्वजनिक भएको छ।

शास्त्रीय संगीत रहेको गीतको प्रमुख फिचरिङमा नायिका बेनिशा हमाल रहेकी छिन्। हमालले कत्थक नृत्य प्रस्तुत गरेकी छन्।

नरेश भट्टराइले लेखेको गीतमा बानिका प्रधानको स्वर र हरि लम्सालको संगीत रहेको छ। फिल्मको निर्देशन मिलन चाम्सले गरेका छन्।

दुर्घटनामा दृष्टि गुमाएकी सृष्टि केसीको बायोपिक फिल्ममा नायिका हमालले सृष्टिको भूमिका निर्वाह गरेकी छन्। चलचित्रमा हमालका अलावा अर्पण थापा, गौरी मल्ल, अनिल शाह, बसन्त भट्टको समेत मुख्य भूमिका छ।

निकेश लिम्बुद्वारा निर्मित यो चलचित्र फागुन १८ गतेबाट दर्शकबीचमा आउने जनाइएको छ।