एमालेले पद्माकुमारीलाई बनायो संसदीय दल उपनेता

काठमाण्डु– नेकपा एमालेले संसदीय दल उपनेतामा पद्माकुमारी अर्याललाई मनोनीत गरेको छ। संसदीय दल नेता रामबहादुर थापा बादलले प्रतिनिधि सभा सांसद एवम् पार्टी सचिव अर्याललाई संसदीय दल उपनेता मनोनीत गरेका हुन् । दलको नेताले उपनेता तोक्ने व्यवस्था अनुसार अर्याललाई दलको उपनेता बनाइएको हो । प्रतिनिधि सभामा एमालेका २५ जना सांसद रहेका छन् ।